Запрашаем пакарыць “Школьную медыявяршыню”!
17.05.2021Ужо традыцыяй стала правядзенне раённага фестывалю-конкурсу сродкаў масавай інфармацыі “Школьная медыявяршыня”.
У гэтым годзе фестываль-конкурс праводзіцца ў дыстанцыйным фармаце. Вучні ўстаноў адукацыі разам са сваімі педагогамі паспаборнічаюць у намінацыях «Лепшая журналісцкая работа», «Лепшае графічнае выкананне», «Лепшая відэапрэзентацыя», «Лепшая газета (часопіс)», прадэманструюць свае журналісцкія здольнасці.
Перад удзельнікамі выступяць пераможцы творчых конкурсаў з прэзентацыяй “Старт да поспеху”. Настаўнік рускай мовы і літаратуры вышэйшай кваліфікацыйнай катэгорыі гімназіі № 1 г.Дзяржынска Ганна Антонаўна Первая правядзе майстар-клас “Як падрыхтаваць публікацыю”.
Жадаем плённай працы!